О Божественной литургии

В древней Церкви этим возвышением Дары показывались народу для возбуждения особого внимания к себе и испытания своего достоинства. После же того, как алтарь стали отделять от средней части храма иконостасом, так что Дары уже не могли быть видны народу, этому обряду усвоено символическое знаменование возвышения Иисуса Христа на Крест, поэтому при возгласе «Святая святым» предписывалось делать земной поклон, относя его к возносящемуся на Крест Иисусу Христу.

На клиросе поют: Един Свят, един Господь, Иисус Христос, во славу Бога Отца. Аминь. Затем хор поет канонник дня или святого, т. е. причастный стих. В разные дни поют разные стихи.

В воскресенье поют: Хвалите Господа с небес, хвалите Его в вышних, аллилуиа, аллилуиа, аллилуиа.

В Святую Пасху поют: Тело Христово приимите, Источника Безсмертнаго вкусите.

Затем хор поет положеную стихиру или псалом. Если остается свободное время, то на клиросе читают молитвы для причастников:

1. Владыко Господи Иисусе Христе, Боже наш, Источниче жизни и безсмертия, всея твари видимыя и невидимый Содетелю, Безначальнаго Отца соприсносущный Сыне и собезначальный, премногия ради благости в последний дни в плоть оболкийся, и распныйся, и погребыйся за ны неблагодарныя и злонравныя, и Твоею Кровию обновивый растлевшее грехом естество наше, Сам, Безсмертный Царю, приими и мое грешнаго покаяние, и приклони ухо Твое мне, и услыши глаголы моя. Согреших бо, Господи, согреших на небо и пред Тобою, и несмь достоин воззрети на высоту славы Твоея: прогневах бо Твою благость, Твоя заповеди преступив, и не послушав Твоих повелений. Но Ты, Господи, незлобив сый, долготерпелив же и многомилостив, не предал еси мя погибнути со беззаконьми моими, моего всячески ожидая обращения. Ты бо рекл еси, Человеколюбие, пророком Твоим: яко хотением не хощу смерти грешника, но еже обратитися и живу быти ему. Не хощеши бо, Владыко, создания Твоею руку погубити, ниже благоволиши о погибели человечестей, но хощеши всем спастися, и в разум истины приити. Темже и аз, аще и недостоин есмь небесе и земли, и сея привременныя жизни, всего себе повинув греху, и сластем поработив, и Твой осквернив образ, но творение и создание Твое быв, не отчаяваю своего спасения окаянный, на Твое же безмерное благоутробие дерзая, прихожду. Приими убо и мене, Человеколюбие Господи, якоже блудницу, яко разбойника, яко мытаря и яко блуднаго, и возьми мое тяжкое бремя грехов, грех вземляй мира, и немощи человеческия исцеляяй, труждающиеся и обремененныя к Себе призываяй и упокоеваяй, не пришедый призвати праведныя, но грешныя на покаяние. И очисти мя от всякия скверны плоти и духа, и научи мя совершати святыню во страсе Твоем: яко да чистым сведением совести моея, Святынь Твоих часть приемля, соединюся Святому Телу Твоему и Крови, и имею Тебе во мне живуща и пребывающа, со Отцем и Святым Твоим Духом. Ей, Господи Иисусе Христе, Боже мой, и да не в суд ми будет причастие Пречистых и Животворящих тайн Твоих, ниже да немощен буду душею же и телом, от еже недостойне тем причащатися, но даждь ми, даже до конечнаго моего издыхания, неосужденно восприимати часть Святынь Твоих, в Духа Святаго общение, в напутие живота вечнаго, и во благоприятен ответ на Страшном судищи Твоем: яко да и аз со всеми избранными Твоими общник буду нетленных Твоих благ, яже уготовал еси любящим Тя, Господи: в нихже препрославлен еси во веки. Аминь.