О Божественной литургии

2. Владыко Христе Боже, Царю веков и Содетелю всех! Благодарю Тя о всех, яже ми еси подал благих, и о причащении Пречистых и Животворящих Твоих Таинств. Молю убо Тя, Блаже и Человеколюбие, сохрани мя под кровом Твоим и в сени крилу Твоею и даруй ми чистою совестию, даже до последняго моего издыхания, достойно причащатися Святынь Твоих во оставление грехов и в жизнь вечную. Ты бо еси хлеб животный, источник святыни, Податель благих, и Тебе славу возсылаем, со Отцем и Святым Духом, ныне и присно, и во веки веков. Аминь.

3. Давый пищу мне Плоть Твою волею, огнь сый и опаляяй недостойный, да не опалиши мене, Содетелю мой: паче же пройди во уды моя, во вся составы, во утробу, в сердце. Попали терние всех моих прегрешений. Душу очисти, освяти помышления. Составы утверди с костьми вкупе. Чувств просвети простую пятерицу. Всего мя спригвозди страху Твоему. Присно покрый, соблюди же и сохрани мя от всякаго дела и слова душетленнаго. Очисти, и омый, и украси мя, удобри, вразуми, и просвети мя. Покажи мя Твое селение единаго Духа, и не ктому селение греха. Да яко Твоего дому, входом причащения, яко огня мене бежит всяк злодей, всяка страсть. Молитвенники Тебе приношу вся святыя, чиноначалия же безплотных, Предтечу Твоего, премудрыя апостолы, к сим же Твою нескверную чистую Матерь, ихже мольбы, Благоутробне, приими, Христе мой, и сыном света соделай Твоего служителя. Ты бо еси освящение и единый наших, Блаже, душ и светлость: и Тебе лепоподобно, яко Богу и Владыце, славу вси возсылаем на всяк день.

4. Тело Твое святое, Господи Иисусе Христе Боже наш, да будет ми в живот вечный, и Кровь Твоя честная во оставление грехов: буди же ми благодарение сие в радость, здравие и веселие, в страшное же и второе пришествие Твое сподоби мя, грешнаго, стати одесную славы Твоея, молитвами Пречистыя Твоея Матере и всех святых.

5. Пресвятая Владычице Богородице, свете помраченныя моея души, надеждо, покрове, прибежище, утешение, радование мое! Благодарю Тя, яко сподобила мя еси, недостойнаго, причастника быти Пречистаго Тела и Честныя Крове Сына Твоего. Но рождшая истинный свет, просвети моя умная очи сердца; Яже источник безсмертия рождшая, оживотвори мя, умерщвленнаго грехом; Яже милостиваго Бога любоблагоутробная Мати, помилуй мя и даждь ми умиление, и сокрушение в сердце моем, и смирение в мыслех моих, и воззвание в пленениих помышлений моих, и сподоби мя до последняго издыхания неосужденно приимати Пречистых Таин освящение во исцеление души же и тела. И подаждь ми слезы покаяния и исповедания, во еже пети и славити Тя во вся дни живота моего, яко благословенна и препрославленна еси во веки. Аминь.

Ныне отпущаеши раба Твоего, Владыко, по глаголу Твоему с миром: яко видеста очи мои спасение Твое, еже еси уготовал пред лицем всех людей, свет во откровение языков и славу людей Твоих Израиля.

Трисвятое. Пресвятая Троице. Отче наш.

Тропарь св. Иоанну Златоусту, гл. 8:

Уст твоих, якоже светлость огня, возсиявши благодать, вселенную просвети, не сребролюбия мирови сокровища сниска, высоту нам смиренномудрия показа, но твоими словесы наказуя, отче Иоанне Златоусте, моли Слова Христа Бога спастися душам нашим.

Слава:

Кондак, глас 6-й

От небес приял еси Божественную благодать, и твоими устнами вся учиши покланятися в Троице единому Богу, Иоанне Златоусте всеблаженне, преподобие, достойно хвалим тя: еси бо наставник, яко божественная являя.

И ныне:

Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти: ускори на молитву и потщися на умоление, предстательствующи присно, Богородице, чтущих Тя.

Господи, помилуй (12 раз). Слава, и ныне.

Честнейшую херувим…

Отпуст: Христос истинный Бог наш, молитвами Пречистыя Своея Матере, преподобных и богоносных отец наших и всех святых, помилует и спасет нас, яко Благ и Человеколюбец.

Этим заканчивается Божественная Литургия святого Иоанна Златоуста, полная глубокого смысла и высокого назидания для православных христиан.

Как часто следует приступать к причащению Святых Христовых Таин?

На вопрос: «Как часто надо приобщаться Святых Таин?» святитель Иоанн Златоуст отвечает: «Чем чаще, тем лучше». Однако он ставит непременное условие: приступать к святому Причастию с искренним раскаянием в своих грехах и с чистою совестью, а иначе лучше не дерзать приступать никогда. Совесть свою мы очищаем на исповеди, с твердым решением не грешить больше.