Том 17 (XVII век, литература раннего старообрядчества)

Отцам в Поморье пишет

Четвероконечная колесница огненнаго течения, ревнители Ильины, нравы подобящеся Крестителю, правыми стопами последовасте Христу: Саватие и Евфимий, Тимофей с Авксентием, молите Бога о нас, грешных!

Вы постигосте вереи[1427] горам, а мы получихом вереи бедам; вы взыдосте на безстрастие, а мы погрязохом во глубине страстей; вы со аггелы беседовасте, а мы по человеку бравшеся[1428], яко з бесы; вы зряще к небеси, а мы влекущеся долу.

Но надеющеся на ваши отеческия молитвы, деръзаем со еретики братися до смерти по матери нашей, святой Божией Церкви. Аще Бог по нас, кто на ны[1429]? Со Христом и болшому тому волку, хохлатой той собаке, глаз вырву, нежели щенятам. Молитеся толко вы о нас, крепко и неослабно, Господа ради, отцы святии. Мне веть неколи плакать: всегда играю со человеки, также со страстми и похотьми бьюся, окаянный. Ведаете и сами: беседы злы тлят обычаи благи[1430]. В нощи что пособеру, а в день и разсыплю, — волен Бог, да и вы со мною. Бью челом вам невсклонно, не презирайте бедную мою и злосмрадную душю; молитеся, молитеся о грешнем Аввакуме протопопе.

Старец Епифаний, мир дав, благословения вашего отеческаго просит.

Еще же коленам вашим касаюся: поминайте в молитвах жену мою бедную и дети, и о всем домишку молите Христа моего и содетеля всех Бога, да приимет от него себе славы неувядаемый венец. Паки и паки миром Господу помолимся! Господи помилуй!

Ну, простите, полно говорить. Вы молчите, ино и я с вами престану говорить. Мир вам и благословение.

Пришлите мне гостинец какой-нибудь: или лошку, или ставец[1431], или ино что. Али и у самих ничево нет? Бедные батюшки мои! Ну, терпите, Христа ради! Ладно так! Я веть богат: рыбы и молока много у меня Христовою благодатию и пречистыя Богородицы милостию и всех святых молитвами. Аминь.

ПОСЛАНИЕ «БРАТИИ ВОЗЛЮБЛЕННОЙ… НА ВСЕМ ЛИЦЕ ЗЕМНОМ» {31}

Послание изящного[1432]страдалца преосвященного Аввакума, протосиггела[1433]российская Церкви, крепкого поборника православныя вбры, еже убо посла ис темницы своея, живый убо на брезе окиана и о всех верных попечение имея немало, яко да еси вернии рустии сынове, чада светлой Росии, избраннии Богу, людие церковнии и питомицы духовнии, яко да блюдут себе крепце от диавольских ловлений, от еретических козней. Писаша же ко всем верным на всем лице земном.

Братия моя возлюбленная и вожделенная, яже о Христе Исусе, на всем лице земном[1434]!

Стойте твердо в вере и незыблемо, страха же человеческаго не убойтеся, ни ужасайтеся, Господа же Бога нашего святите в сердцах ваших, и той будет нам во освящение, яко с нами Бог, и уповающе будем на нь, и спасемся его ради, яко с нами Бог! Услышите и до последних земли, яко с нами Бог[1435]!

Аще бо кто верует — и разумеет реченная пророком, аще ли ни — той смущается и колеблется, и, яко трость[1436] зыблется и от мала ветра. Тако и маловерный и о слова убоявшеся, предает правоверие, и таковый наг и чюждь бывает Евангельскаго учения, понеже Христос во Евангелии научает четырем добродетелем: мужеству, мудрости, правде и целомудрию.

Слыши, страшливый, начало евангельскаго подвига — мужество, о нем же писано: «Не убойтеся от убивающих тело, душю же не могущих убити»[1437]. И о сем подобает нам безпрестанно поучатися, да же страхом не колеблемся. Но яко младый птенец, опернативши[1438], возлетает выспрь, тако и человек Священным Писанием исправляется и дерзает всенадежным упованием смело по Христе страдать, не отмещется и смерти, егда время призовет. К тому же и мудрость Христову содержит: не наскочит на напасти, а егда возьмут, не отрицается и о земных не печалится, но с любовию, Христа ради, вся презирает, поминая Господем реченное: «Будите убо мудри, яко змия, цели, яко голубие»[1439].