Том 17 (XVII век, литература раннего старообрядчества)

Бытия: «И разлучи Бог между водою и водою, и рече: „Да будет твердь!”[917]» И бысть слово и дело вскоре: от тое же воды згустилося, егоже видим, небо. Давид о нем же вещает: «Пропиная[918] небо, яко кожу, покрываяй водами превыспрення[919] своя»[920], сиречь там половина воды, яко на полатях лежит, и николи к нам не сходит, токмо в потоп, при Нои[921], за грехи людския оттоле спустил Бог. Разверъзошася хляби небесныя, и шесть недель вода лила на землю. Еще же приказал и морю ис предел выступить — и погрязла земля в водах; над высокими горами пятьнадесять сажен было воды. И стояла вода 40 недель, шесть недель прибывала, шесть недель убывала, и всего год было, дондеже ковчег Ноев на месте ста. Все померло в водах: и люди, и скоты, и звери, и птицы небесныя; токмо Ной праведник с своими спасеся.

На первое возвратимся, и рцем паки Бытия: «И тма верху безны, и Дух Божий ношашеся верху воды»[922], — сиречь не видет ничево, дня не было, — темно.

«И рече Бог: „Да будет свет!” И бысть свет[923]. И нарече свет — день, а тму нарече — нощ. И бысть вечер, и бысть утро, день един»[924]. Просто молыть: нощ да день — сутки стали. День на дело людям приготовил, а нощ — на покой и на словословие к нему, свету, яко и Давид глаголет: «Седмижды днем хвалих тя о судьбах правды твоея»[925], сиречь в сутках так всякому подобает: вечерня, павечерня, правило, полунощница, утренняя, часы, литоргия. Да он же говорит: «Полунощи востах исповедатися на судбы правды твоея»[926]. Сверх тово и нам так надобе вставать и плакатися о гресех.

Паки Бытия. И бысть мрачен день и не светел без светил. И в первый день Бог звезду сотворил, ейже имя Аррис, а во вторый сотворил звезду Еръмис, а в третий день Крон, а в четвертый Афродиту[927], и Артемида она же словет, и положил их на тверди небесней в нощи светити по земли; в четвертый же день солнце сотворил и украсил день яко пресветлым венцем, в пятый же день месяц сотворил, и небо звездами украсил. И положил солнце во область[928] дни, луну же — во область нощи. А имал звезды и солнце, и месяц от вышняго неба. То небо все таково, якоже солнце, огнено горит. Гранограф толкует так. <...>

Паки возвратимся на первое. И повеле Господь: «Да изнесет земля траву, сеющу семенми по роду и по подобию, и древа плодовитая, творящая плод»[929]. Гранограф толкует: во вторый день землю красил[930] Господь, а Златауст в «Маргарите» глухо пишет. И израстоша былия прекрасныя, травы цветныя разными процветении: червонныя, лазоревыя, зеленыя, белыя, голубыя, и иныя многия цветы, пестры и пепелесы[931], по Господню глаголу, яко ни Соломан премудрый возмог себе таковыя цветныя одежды устроить[932], оне же и благоуханием благовонным облагоухают. Такоже и древа израстоша: кипариси, и певги, и кедри, мирьсины и черничие[933], смокви и финики, и виноградие, и иное садовие, — множество много различные плодовитые древа из земли изыдоша. И реки посреде гор протекоша, и источники водныя. Таже от земли сотворил Бог скоты, и зверие дубравнии, а от воды птицы небесныя, парящая по аеру; от воды же и вся летающая по аеру: мухи и прочая гады, пресмыкающийся по земли. Посем насадил рай во Едеме, на востоце[934]: древа и крины райския, по 12 плодов в году приносят: древа не гниющия, травы не ветшающия, цветы не увядаемыя, плоды неистлеваемыя; аще и на земле рай, но посреде плотнаго[935] и духовнаго жития устроен. <...>

Посем в шестый день сниде Бог на землю на востоце, во Едеме, перьсть[936] взем от земля, и сотвори человека, сиречь яко скудельник скуделу[937], еже есть горшешник горъшок. И положил пред собою. Он же бездушен пред ним лежит, недвижим. И виде Бог яко добро. Дуну на него — и дадеся ему душа, яко ангел некий чистейший; дух же возвратися ко Господеви, а персть отъиде в землю. И бысть человек в душу живу. Зри, всю тварь Господь сотворил словом, а человека — боголепными руками, якоже и Давид поет: «Руце твои сотвористе мя и создаете мя»[938]. <...>

Паки Бытию рцем: «И приведе Господь ко Адаму зверие и скоти, и птицы небесныя, и поклонишася ему, видя ево во славне образа сияюща, Адам же нарече им всем имена»[939]. И поживе Адам в раю (по Филону, сто лет[940], а инии глаголют — три годы, а инии — шесть часов) яко царь над всею тварию. Вся ему покорна, вся повинна, лютые звери пред ним трепетаху и бояхуся Адама. И сам Бог беседоваше со Адамом.