ANTOLOGIO

sabro la ligno-paneli por deskovrar la celeyi. Il deskovras nulo. Il

destruktigas la panelo dil spegulo por vidar kad esas ulo dope. Esas nulo.

Dum ita tempo, ilua viri deprenas kelka lami dil parqueto. Li asertas ke

desnobla aristokratino ne mokos la benigna senbrachi (2) . Ma nulu de li

vidis la mikra korno blanka qua preteriras la tegilo dil kanapeo.

Li forduktas Julie a la cetera chambri di ca apartamento e demandas

omna klefi. Li ruptas ed exkavas la mobli, ruptas la vitrofolii, krevas la

stuli, fendas la foteli. E li trovas nulo.

Tamen Bochet ne ja desesperas, il retroiras a la dormo-chambro.

« La paperi esas hike ; me esas certa pri co ! »

280

Il exploras la kanapeo, deklaras ol kom suspektinda e sinkas en ol kin- o

sisfoye ilua sabro en olua tota longeso. Il ankore trovas nulo de to

quon ilu serchas, klamas hororinda blasfemo ed imperas lua viri

departar.

Il ja esas an la pordo kande, riturnante su vers Julie, e prizentante pugno

ad elu : « Tremez rividar me ; me esas la suverena populo ! »

Ed il ekiras kom la lasta.

Tandem, li departis. El audas la bruiso di lia pazi diminutar en la

eskalero. Elu salvesas !

La neprudenteso di lua filiulo ne trahizis elu ! El adkuras, havante rido

joyoza, por kisar elua Emile qua dormas profunde, quaze nulo

esabis subversata cirkum lua bersilo.

::::::::::::::::::::::::::::::::::::::::::::::::::::::::::::::::::::::::::::::::::::::::

:::::::::::::::::::::::::::::::::::::::::::::::::::::::::::::::::::::::::::::::::

:::::::::

Pitt (1) : William Pitt, Angla ministro (1759-1806) obstinanta adverso dil

Revoluciono eventanta en Francia.

Senbrachi (2) : Ico esis la nomo dil militanti por la Revoluciono en Francia

(France : Sans-culottes).

::::::::::::::::::::::::::::::::::::::::::::::::::::::::::::::::::::::::::::::::::::::::

:::::::::::::::::::::::::::::::::::::::::::::::::::::::::::::::::::::::::::::::::

:::::::::::::

[Segun libro da Anatole France, L’Etui de nacre (La Etuyo perlomatra)

(Ek Kuriero internaciona n° 1/2014)

LUMO EN LA KATEDRALO NIA-DAMO

[ La katedralo Notre-Dame (Nia-Damo) di Paris semblas esar rinovigita.

Ol esas provizita per tote nova lumizo LED, modulacebla, spariva, ma

anke e precipue, por la vizitanti, konceptita segun artala maniero, ica

monumento evanta 850 yari dotizas su per bela elemento di moderneso. ]

281

Ita mitala katedralo gotika aceptis preske 14 milion vizitanti en 2013,

dum ke samatempe ol celebris l’aniversario di lua ok e duima yarcenti.

Lo esas pasintayare ke lua interna lumizo tote rikonceptesis, tre diskrete

tamen, por ke ita evento ne uzurpetez de la celebro di lua aniversario.

Ma la konstrukteyo esis giganta, nam bezonesis un yaro de laboro por

imaginar ita nova instaluro. « La lumo devis vere valorigar la beleso di

ca loko, sen irgatempe dominacar olu », tale explikas Benjamin Azoulay,

direktisto general di la firmo Philips a qua konfidesis la furniso di la

lumizili.

Lo esas la teknologio LED qua tote naturale selektesis. Ico posibligas

multa variadi di lumozeso sen irgatempe dazlar, ma anke quika lumizilo,

le LED (diodi elektrala-luminecencala) havas anke l’avantajo havar tre

longa vivo-duro (aproxime 13 yari po 10 hori utiligo singladie), ico

diminutas la koakti por la mantenado, same kam l’instalo di eshafodi.

Oli havas precipue la qualeso diminutar la konsumado di energio, e se

400 lumizili instalesis hike, lo esas por potenco totala de 30 kW, vice 140

antee.

ARTO, NUN

La konceptanto di la lumo-projeto, Armand Zadikian, praktikas mestiero

sat nova : ilu lumizas la kirki por diversa eventi e mem por la televiziono.

Il asertas : « La katedralo havas du vokesi, la una esas kultala e l’altra

kulturala kun viziti e koncerti. La projeto esis do posibligonta propozar

diversa etosi, segun la cirkonstancii. » Ico esas realajo hodie, la

« lightshow » duktesas per la helpo da sistemo informatikal havanta

tushala skreno. On devas konfesar ke l’aspekto artal di ca laboro esas

impresiva.

RADIANTA VITRALII

Nome la lumizili montras omna detali dil katedralo dum esar ipse quaze

neperceptebla, e la lumo semblas vere emanar ek la petro (« olqua

nulatempe boresis », savigas Armand Zadikian, fiera pri lua ‘travalio’

efektigita per komuna laboro kun la arkitekti por la konstrukturi di

Francia). Same la rozfenestri dil Norda e Suda parti di ca edifice

lumizesas per du projektori tote nevidebla qui transmisas l’impreso ke