Проскинитарий. Хождение строителя старца Арсения Суханова в 7157 (1649) году в Иерусалим

Близ же Гефсиманской церкви, на полдни сажен 6, сад, а в нем три древа, ограждены каменем; длиною тот огород 6 сажен ступенных, а поперек меньше. Тут де предал Иуда Христа, рек: «радуйся, Учителю». А ныне в том огороде хлеб сеют. От того места сажен с 10, а от церкви також, пещера великая к горе Елеонской, иссечена из горы, посреди столп един; в той де пещере апостолы, егда разбежались от страха Иудейского, сокрывся сидели; тут бывает служба. От того места якобы на полдни, мало к горе Елеонской подався, от Гефсиманской церкви якобы дважды вержением каменя сильного мужа, — место, идеже спали апостолы во время страсти Христовы, идеже рече им Господь: «спите прочее и почивайте, дух бо бодр, плоть же немощна»; а сам отъиде от того места саженя с четыре, и помолився рек: «Отче! аще мощно, да мимоидет чаша сия от Мене». Тут де стояла церковь, а ныне пусто, и почвы незнать, токмо огороды и пашня; и на то место приходя христиане, и целуют то место; зовется то место по-словенски «отче», по-грецки патер. О сем писано во Евангелии: по вечери же тайней, еже память творим в Четверг Великий, «изыде Иисус со ученики в гору Елеонскую, глаголя им: вси вы сооблазнитеся о Мне в нощь сию, писано бо есть: поражу пастыря и разыдутся овцы стада; по воскресении же Моем варяю вы в Галилеи. Отвещав же Петр, рече ему: аще и вси соблазнятся о Тебе, аз николиже соблазнюся. Рече ему Иисус: аминь глаголю тебе, яко в сию нощь прежде даже алектор не возгласит, трикраты отвержешися Мене. Глагола ему Петр: аще ми есть и умрети с Тобою, не отвергуся Тебе; такожде же и вси ученицы реша.·Тогда прииде Иисус в весь нарицаемую Гефсиманию, и глагола ученикам: седите ту, дóндеже шед помолюся тамо. Поем Петра и оба сына Заведеова, начат скорбети и тужити. Тогда глагола им Иисус: прискорбна есть душа Моя до смерти, пождите зде и бдите со Мною; и прешед мало, паде на лицы Своем, моляся и глаголя: Отче Мой, аще возможно есть, да мимо идет чаша сия от Мене, обаче же не якоже Аз хощу, но яко же Ты. И пришед ко учеником и обрете их спяща, и глагола Петрови: тако ли не возможете единого часа побдети со Мною? бдите и молитеся, да не внидете в напасть; дух бо бодр, плоть же немощна. Паки вторицею шед помолися, глаголя: Отче Мой, аще не может сия чаша мимо идти от Мене, аще не пию ее, буди воля Твоя; и пришед обрете их паки спяща, беста бо им очи отягчени; и оставль их паки шед помолися третицею, тож слово рек. Тогда прииде ко ученикам Своим, и глагола им: спите прочее и почивайте, се приближися час и Сын Человеческий предается в руки грешником... се приближися предаяй мя. И еще ему глаголющу; се Иуда един от обоюдонадесяти прииде, и с ним народ мног со оружием и дрекольми от архиерей и старец людских. Предаяй Его даде им знамение, глаголя: егоже аще лобжу, Той есть, имите Его; и абие приступль ко Иисусови, и рече: радуйся, Равви, и облобыза его; Иисус же рече ему: друже, твори, на неже пришел еси. Тогда приступивше, возложиша руце на·Иисуса, и яша его. И се един от сущих со Иисусом простер руку, извлече нож свой, и удари раба архиереова, и уреза ему ухо. Тогда глагола ему Иисус: возврати нож свой в место его, вси бо приемше нож, ножем погибнуть. Или мнится ти, яко не могу ныне умолити Отца Моего, и представил Ми вящше двунадесяти легиона Ангел? како же убо сбудется писание,·яко тако подобает быти? В той час рече Иисус народом: яко на разбойника ли изыдосте с оружием и дрекольми яти Мя? по вся дни при вас седех в церкви уна, и не ясте Мене; ее же все бысть да сбудутся писания пророческие. Тогда ученицы вси оставльше его, бежали. Воини же емша Иисуса, ведоша к Каиафе·архиереови». И те места, идеже ученицы сокрышася, идеже спали, идеже Христос помолися, рек: Отче! идеже Иуда лобзав предаде, — все то под горою Елеонскою, идеже·было село Гефсимания, на самой дороге идучи на гору, от того места идти на гору Елеонскую от Иерусалима прямо на средний восток, дорога от гефсиманских ворот, мимо церковь Гефсиманскую. Гора Елеонская высока, а не добре крута, можно по нужде и на коне ехать, а взошед на крутую гору на левой стороне подле самую дорогу стоит палата, а живут в ней магометане. А Даниил странник пишет, была тут церковь; а говорят, на том де месте ученицы Спаса Христа вопросиша, глаголюще, указуючи на Иерусалим: Господи, виждь здание; о сем писано во Евангелии от Матф. зач. 97: «и изшед Иисус, идяше от церкви; и приступиша к Нему ученицы Его, показати Ему здание церковное, реша: Господи, виждь здание; Иисус же рече им: не видите ли вся сия? аминь глаголю вам, не имать остати камень на камени, еже не разорится. Седящу же Ему на горе Елеонсте, вопросиша ученицы Его наедине, глаголюще: рцы нам, когда сия будут, и что есть Твоего пришествия знамение, и кончина веку? и отвещав Иисус, рече им: блюдитеся, да никто же вас прельстит, мнози бо придут во имя Мое, глаголюще: аз есмь Христос, и многих прельстят; услышати же имате брани и слышания бранем, зрите, не ужасасайтеся, подобает бо всем сим быти, но не тогда есть кончина... претерпев же до конца, той спасется... Аминь глаголю вам, не мимо идет род сей, дóндеже вся сия будут; небо и земля мимо идут, словеса же моя не мимо идут; о дни же том и о часе никтоже весть, ни Ангелы небесные, токмо Отец Мой един».