Том 17 (XVII век, литература раннего старообрядчества)

А как, Каптелинушка, маленько оплошись, так беда тогда случается. Миршины захочю или ризами себя украсить, да старое то житие на ум побредет, как з друзьями важиванось: пито, да едено, да плясывано, да и все по тому. И ты, петь, себе внимай: каков веть ум-от мой, таков и твой, не давай ему на колесах тех ездить. Писано есть: «Сьюзиме плоти — смиряется сердце, ботеющу сердцу — свирепеют помышления»[1610].[1611]

Знаеш ли речь ту сию, Сирахову? А то говорит, как, де, плоть та измнемождает, либо помелеш, или потолчеш, или у сестры заход выпрячеш[1612], мотылу ту под гору вытаскаешь шолковыми теми руками, так сердце то смирится и звери все спать полягу. А как, де, сердцу тому разботеющу[1613], сиречь обленисься потрудитися, а тому на умишко то кичение прападет, да и одолят тя помыслы лукавыя, да и печаль наведут, да и тужить станешь о сыне и о матери, и о мирщине восплачеши, и раскаяние на аггельский мнишеский чин, и на окормителя своего вознегодуеши, да и во всю пагубу поринешися со дияволом.

Сего ради Ефрем святый рече: «Чернечествуй умови, чернечествуй духови, чернечествуй взору и ступанию и глаголанию, вопросу и ответу»[1614]. И все по тому. А без благословения окормителя[1615] своего не твори дела никакова, всегда поучайся благим, да же злым не поучаесся. Писано: «Неокормлении падают, яко листвие»[1616]. И паки писано: «Земля есть делание, естество наше, делатель же — воля, советницы же и учители наши — Святое Писание».

Слышала ли речение се коротенько да красненько? Ори[1617] землю ту — одушевленную свою пълоть — изволом добрым, прибегая ко Святому Писанию, и оттоле черпай живыя воды, напаяюща душа с телесы. Аще кто пиет от источник сих спасеных, не вжаждется[1618] во веки.

А иже Каптелине глаголю — всем глаголю Христовы ограды словесных овец, яко вси есте равно сынове и дщери завета и пророк. О всех и за вся умре Христос. И апостол рече: «Несть июдей, ни еллин, несть раб, ни свобод, несть мужеский пол, ни женский, но вси едино есть о Христе»[1619]. И сам Господь к саддукеом рече: «В день он, егда воскреснут, ни женятся, ни посягают, но равни аггелом суть»[1620].

Вот каково хорошо! Смесимся в одно стадо з горними силами — и мужики, и бабы, и паренки, и девушки. Во славе велицей и крепцей силе летать станут иноцы, яко пернатии, а белцы, по них ходяще, последуют в том же нетлении и плоти легцей, могущей по воздуху ездити.

Бабушки-чернушечки! Вонмите глаголемая: тогда бо, тогда нынешний нрав добродетельный во аггела претворит или злый нрав непокоривый в беса претворит! Приклоните уши ваши во глаголемое: «Не риза спасет, но нрав, не место пустынное, но обычай благий». Слушайте же совета моего к вам, любезным моим: «Повинуйтеся наставником вашим и покаряйтеся, и яко от уст Божиих заповеданная от них храните»[1621].

Есть во Отечнице[1622] писано: «Прииде Иванъ Лестечник во обитель ко Ивану Великому. И рече Великий к Лествечнику: «Хощеши ли да покажу ти раба Божия?» И отвеща Лествечник: «Хощу, честнейший отче». И седше им ясти за трапезою. Возва Иван Великий ветха деньми и сединами украшена диякона Лавреньтия из-за стола: «Гряди семо, Лаврентий!» Он же скоро воспрянув, не ядше, предста у трапезы игуменовы, зря на игумна Иванна, яко на Христа, не смея вопросити, чего для возва. Иван же, с Лествечником беседуя, ничто Лавреньтию не рече во весь обед. Егда же[1623] отъиде стол[1624], посла Иван Лавреньтия не ядша ко Исидору, осужденному, Железному, повеле псалом 39 изглаголати. Удиви же ся Лествечник таковым сединам послушания. И потом скончася Лаврентий, искипе миро из ног его в показание послушникам, и нетленно яви Бог тело его трудолюбное.

Видите ли, матушки, каковы плоды растут от послушания? Воньми, преже да же избери себе наставницу руководства небеснаго неблазнену, и егда подклониши главу свою, не моги таити от нея дел своих и помышлений. Аще заповесть ту, что и во мнящихся злых тобою[1625], должна есми послушати, разве[1626] ереси и блуда и пиянства вина нерастворенаго — сего не подобает послушати. А аще и мясо велит, искушая тя, ясти — яждь, аще и спать велит — спи, аще и биет тя — терпи. Аще и не кормит — терпи, аще и злословит — молчи, послала — побеги, не велела — возвратись, дала что — приими, отняла — поклонись. Да и вся по тому приемли Христа ради заповеданная, без ропоту служа, яко Богу, а не человеку, о Христе Исусе Господе нашем, емуже слава и ныне, и присно, и по веки веком. Аминь.

Паки всем мир и благословение, чтущим и послушающим. Простите, други мои, светы, о Господе.

ПОСЛАНИЕ ИОНЕ И МОИСЕЮ {40}

Краегранесие:[1627] «Горьких ищите, небесная мудрствуйте»[1628]. Ей, аминь.