Том 17 (XVII век, литература раннего старообрядчества)

Отцы святии Иона и Моисей, небесопарнии орли, пустынное воспитание. Троицы вселение, благодати сосуд! Что вас наречем? Святии херувими ли — яко на вас почил есть Христос, серафими ли — яко непрестанно прослависте его, аггелы ли — тела бо отвратистеся? Многа ваша имена, а болша дарования. Молите непрестанно о нас, отцы святии, вас бо утвердил утвержей ни на чем же землю повелением си.

Отцы святии! Вас утверьдил утвержей гром и зиждай дух. А я что? Сосуд гнева. Где иду и камо бежу[1629]? Воистину, истинно, поистинне, ей-ей, в правду Божию о себе свидетельствую, яко нищ есмь добродельми, богат страстьми.

Отцы святии! Ничтоже преславно богатаго взыскат и славнаго посетить, но се чюдно, аще сироту взыщет кто, якоже мене, осиротевши Бога и человек. Ей, нет близ мене друшка, кто бы поправил кривую душу мою, один старец[1630] и тот, якоже и аз, пес ловчий, заклепан, да не пужает поганых зверей — волков и льстивых лиси. Аще и снидемся на мал час, не ведаем, что друг другу рещи: вопросить или отвещать. Ведаете, мню: «Обыдоша ны пси мнози, сонм лукавых одержаша нас»[1631].

Молю вы, грешный протопоп, исправляйте недостатки мои молитвами. Ин — яко в море утопающу, весло подай, ин — шест или дску верзи ми, изряднее же — подщася рукою извлещи мя из глубины[1632]. Аще кто полиет слезы на нозе Исусовы — велика ми помощ слеза теплая пред образом Царицы Небесный. А иже, кто лишен дара сего, — воздохни о мне, грешнике, яко Ануфрий Великий[1633] воздыханием горы поколеба; аще ли ни — припомяни Господа ради со оглашенными[1634]; что же делать — и мало ли за велико поставит Бог. Немного и Моисей[1635] при мори моляшеся, но токмо возведе горе очи сердечник, и рече ему Бог «Моисею, Моисею, что вопиешь ко Мне?»

Видите ли, избрании Божии, коль скор Господь просящим у Него истинною? Моисей, от фараона угнетаем, молча очи на небо возведе, а Бог свидетельствова и рече: «Что кричишь, Моисей? Ударь жезлом по воде и будет ти сух путь посреде воды и воды»[1636]. Аще тамо един Моисей неблагодарнаго Израиля 600 000[1637] избави от фараони руки, а здесь, вас уповаю, за Волгою, на родине моей, не един, не два, но яко звезд бес числа, вопиющих ко Христу, Сыну Божию, день и нощь.

Всем вам мил ся дею, у всех прошу молитвы.

Афонасей Зубо с Лукою Рубашешником[1638], обойдите со Христом вертепы и пещеры, и разсели горския, и болота, и дебри, идеже витают святии мужие и жены, и отроки и отроковицы, и испросите мне у всех дара любезнаго мною, дара честнейшаго, паче солнца и света, глаголю, — молитву. А я с вами, пред всеми пад, лежу невсклонно. Умилитеся, райстии житилие, богатии — о нищем, свободнии — за пленника. Весь ваш зде и во грядущем. Аминь.

ПИСЬМА И ПОСЛАНИЯ К СЕМЬЕ {41}

1

Список з грамотки страдальца Христова Аввакума отца{42}.

Детям моим благословение и дому моему мир.

Настасья, большо мне с вами только видания, прижали плотно ко узам. В Пафнотьеве монастыре держали девять недель на переменных цепях[1639], и после того мчали к Москве девяносто верст на переменных лошедях, не отдыхая, затрясли было. Потом остригли и прокляли. У Николы на Угреше сежю в темной полате[1640], весь обран[1641], и пояс снят, со всяцем утвержением[1642], и блюстители пред дверьми и внутрь полаты — полуголова[1643] со стрельцами. Иногда есть дают хлеб, а иногда и щи. Дети, бедные, к монастырю приезжают[1644] да получить[1645] меня не могут — всяко крепко. От страха насилу и домой уедут.

Нет у меня строки книжные, пою Богу моему наизьусть, глагол Божий во устех моих. Подстилаю плоть души моей, и почиваю на ребрех, одеваюся слезами и воздыханием, видя людей, вконец прельстившихся.

А вас уже я и забыл, токмо прошу о спасении вашем. Аще жив — мизинцу моему[1646] целование, аще же умер — блажен есть.

Паки всем благословение. Помолитеся о мне, да же совершу путь течения добре.

Дорого столбец сей куплен. Неколи много писати. Писано же лучинкою.

Помышляю о себе, яко удавят мя еретики, попущено бо им гораздо.

Не обленись, жена, детей тех понуждати к молитве, паче же сами молитеся. Молитва бо Петра ис темницы избави[1647], молитва Иону из чрева китова изведе[1648], молитва триех отроков от огня свободи[1649], молитвою Анна Самоила породи[1650], молитвами вси святии спасошася, молитва прилежна паче огня на небо возлетает. Добро молитва! Ей же помогает пост и милостыня. Не ленитеся молитися да не безплодни будете.

В Вознесеньев день в темнице во время утрени начах чести святое Евангелие. Падох на лицы моем и глаголах: «Кто есмь аз, умерый пес, яко Господь присети мя в темнице?» По сих мысленныма очима видех Господа, и глаголюща ми: «Не бойся, аз есмь с тобою!» И в то время радости многия исполнен бых[1651]. О сих дозде[1652]. Воистинну, молитися добро. Мир вам паки.

Еще же ми от бесов многи наветы и пакости бывают. И о сих ныне несть ми глаголати подробну. Молитеся о мне, да избавлюся от них.