Том 17 (XVII век, литература раннего старообрядчества)

Список з государевы царевы и великого князя Алексея Михайловича всея Русии грамоты слово в слово, какова послана грамота в Соловецкой монастырь с молением по мощи иже во святых отца нашего Филиппа[2495]; митрополита Московскаго и всеа Русии, чудотворца, с великим господином преосвященным Никоном, митрополитом Великого Новаграда и Великолуцким.

Христову подражателю, небесному жителю, вышественному и плотному ангелу, преизящному и премудрому духовному учителю нашему, пастырю же и молитвенику, великому господину, отцу отцемъ, преосвященному Филиппу, митрополиту Московскому и всеа Русии.

По благоволению вседержителя Христа Бога царь Алексей, чадо твое, за молитв святых ти здравствует

Ничтоже ми тако печаль души творит, пресвятый владыко, изволив быти тебе богохранимаго царьствующаго нашего града Москвы во святей, велицей и преименитой соборной апостольской церкви Пресвятая чистыя и преблагословенныя владычицы нашея Богородицы и Приснодевы Марии, святаго ея Успения, наполняюща место, с прежебывшими тебе и по тебе святители, яко да бы купновавших ради молитв святая соборная и апостольская Церковь и яже о Христе вера, еюже спасаемъся, пребывала выну[2496] неподвижна, и стадо вашей святительския паствы ненаветно[2497] от всепагубных волк. Не бо и мы своею силою или многооружным воинством укрепляемъся, но Божиею помощию и вашими святыми молитвами вся нам на ползу строятся.

Второе. Молю тя и приити тебе желаю семо, еже разрешити согрешение прадеда нашего, царя и великаго князя Иоанна[2498], нанесеное на тя неразсудно завистию и неудержанием ярости. И еже на него твое негодование аки общники[2499] и нас творит злобы[2500] его, якоже пишется: «терпчины[2501] бо родителныя оскомины чадом различие творя»[2502]. Обаче превратися[2503] от Бога, се рече бо пророком, не быти тако, глагол сей: «но ядшему терпкоя, тому и зубом быти оскомины»[2504]. Аще и неповинен есмь досаждения твоего, но гроб праведничь присно убеждает мя и в жалость приводит, послушествующе... преданию твоему совести моей... да не лишаешися твоея... царьствующаго града. И сего ради... за одного, иже в тя согрешившаго, да оставиши ему согрешение его своим к нам пришествием. Да подаси тому прощение, да же от сего и поношение на него о твоем изгнании к тому упразднится, и вси вознепщуют[2505], яко мирну ти сушу к нему за благодать твою, еже к нам твоего пришествия, вкупе и бытия во святей соборной и апостальской церкви. Сего ради тя молю о сем, о, священная главо и честь моего царьства, твоим преклоняю честным мощем и повиную к твоему молению всю мою власть. Да пришед, простиши, иже тя оскорби понапрастну, раскаяся бо о содеянном и он тогда. И за того покаяние к тебе.

И нашего ради прошения прииди к нам, святый владыко, исправи бо ся тобою и евангелский глагол, за негоже ты пострада, за еже всяко царьство, раздельшееся на ся, не станет[2506], и несть пререкующаго ти глаголати о свидениих[2507] Господних. И благодать Божия в твоей пастве» за молитв святых ти в нашем царьстве присно изобильствует. И несть уже днесь в твоей пастве никотораго разделения. Аще бы убо было, не бы стояло доселе разделения ради. Но ныне вси единомысленно... и молим тя, даруй себе желающим... с миром восвояси, и своя с любовию приимут. И не въмени се искус быти некий, или ино что, яже нами посылаемое моление. Веси бо, о, священный верше воистинну, яко чужда нам сия.

Темъже и уповаем на Господа прияти тя скоро и облобызати, яже нами уповаемыя честныя мощи. О, священная главо, святый владыко Филиппе, пастырю наш, молим тя: не презри нашего грешнаго моления, прииди к нам с миром.

Царь Алексей, желаю видети тя и поклонитися мощем твоим святым.

Да у тое же государевы грамоты печать вислая краснаго воску, а на печати на стороны напечатан орел двоеглавый.

ПИСЬМО НИКОНУ О СМЕРТИ ПАТРИАРХА ИОСИФА {59}

Список з государевы грамоты слово в слово

Избранному и крепкостоятельному пастырю и наставнику душ и телес наших, милостивому, кроткому, благосердому, безлобивому, но и паче же любовнику и наперстнику Христову и рачителю словесных овец.

О, крепкий воине и страдальче Царя Небеснаго, о, возлюбленный мой любимиче и содружебниче, святый владыко, моли за мя, грешнаго, да не покроет мя тимения[2508] глубины грехов моих твоих ради молитв святых.