Том 17 (XVII век, литература раннего старообрядчества)

Зрите, поведает нам великий Златоуст сице: «Темъже сказую вам: никтоже, Духом Божиим глаголяй, речет анафема и Исуса». Таже и другое: «И никтоже может рещи Господа Исуса, точию Духом Святым»[2733], и прочее. А по грамматическому разуму — соуз, а по осмочасному Ивана Екзарха Слову то различие именуется[2734]. Еже рещи «Господь и Исус», то стало два имени, Несториева ересь проклятаго. Он не убоясь на два состава разделити Господа нашего Исуса Христа. И внимай по сему, како не престала, якоже и Ефрем Сирин глаголет: «Всяцем коварством кует, чтобы отнюдь во времена та имя Спасителево не именовалося»[2735]. Нам же повелевают святии бити ратники именем Исусовым[2736].

И ты, любимче, не моги пременити и[2737], како ти сперва заповедано от отец, тако и содержи. Веси, во Исповедании веры како положено: «И во единаго Господа Исуса Христа, Сына Божия». Такожде и Златоуст великий свидетльствуетъ молитву Исусову творити, и великий во отцех Иванн, Лествицу списавый, на Небеса восходити, и преподовный авва Дорофей[2738], и прочее о сем множество свидетелства обрящеши во отеческих книгах, но зде, невмещения ради, престану. И не моги в старых книгах ни единыя черты преложити[2739], понеже зло воистинну се, яко развращаяй догматы отеческия, таковый себе, по Писанию, приводит скорую погибель[2740].

И о сем разумей. Мудрствуют во своих книгах никонияне: «Слава Отцу, Сыну», и то — Божеству слияние, рекъше, составом Божественным, и ересь сия проклятаго Савелия еретика[2741]. И сложение перст, и пресвятую «Аллилуйя», и «Достойно» Пресвятей Богородице не мози преложити. И свидетельствует великий Златоуст в Маргарите[2742]: «Аще кто не исповедует Пресвятыя Богородицы истинною, таковый от жидов ничимъже различен, и от язык неверных».

Блюди же ся и кова[2743], лести бесовския, еже есть «веков», и о сем припомяну ти от святых отец сице, яко еретицы и сие малое слово тщатся преложити, еже есть «во веки веком».

Глаголю же ти, яко ни малейшия чертицы не прелагай святых. И у Никона со ученики ни единаго прилога[2744] просто не положено, но все на погибель верным.

Что есть время нынешних лет? Вопрошаем святых отец наших, и да поведают нам.

1-й возвещает нам великий Иванн Богослов, апостольская красота: «Горе, горе, горе живущим на земли».[2745]

О сем времени и Ефрем Сирин заповедывает со слезами молитися, дабы сохраненным быти, и научает паки, егда противный явится, покоя не имут людие на земли. И уже отчасти, глаголет, икона зверина, и не покланяющихся ей языки режут и огнем сожигают, и во гробы полагают, и вверх ногами поставляют[2746]. И ты по сему плоду[2747] разумей Никона и его учеников, како не богопротивная и не проклятая мудрствуют! Понеже Господь наш Исус Христос от юга прииде, противник же — от севера. Так нам Святая Писания извествуют, от севера быти пагубе.

А по Писанию святых, не токмо легкомысленнии недоумеватися будут многокозненней прелести последней, но и избраннии многия прельститися имут, понеже глубока и пестра прелесть. И якоже глаголет Ефрем: «Вложит тогда человеком противник страх и пренемогание в сердца, и лютое неверствие». И так в Писании святых пишет: «Иже к Богу прибегают, и Святая Писания прочитают — тии познают прелесть его. А иже в вещех жития сего ум имущии и земная любящии — тии не познают. Аще и услышат слово, не имут веры, и не имеют страха, и отступившии от истинны»[2748].

Отнюдь не имей многова совета с таковыми, ниже любоприся[2749], понеже тлят обычаи благия советы злыя[2750],[2751] отнюд болии молчи. А аще прилунится о истине глаголати, с великою христоподобною кротостию глаголи. Глаголет бо Ефрем Сирии в Слове 82: «Иже смиренную мудрость стяжа, подобен есть Христу; несмиренномудрствуяй же Христа есть чуждь»[2752]. И апостол нас тако научи, яко рабу Божию не подобает сваритися[2753], но кротку быти и со смирением противныя наказовати[2754], и, по Писанию, злое благим побеждати, и пути Христову внимати, еже рече: «Аз есмь путь»[2755]. И тако нас святии научают. Инако спастися невозможно, токмо подобитися Богу, еже терпети осуждение неосуждену сый[2756].

И аще начал еси благое — проси от Бога, да поможет ти совершити, понеже просящему — дается. И не ослабевай во благих, аще и наветы какия прилучатся. Пишет бо авва Дорофей преподобный во своей книзе, яко всякому добру делу искушение или да предвидет, или да последует[2757]. А еже рукою — отнюдь не мози дерзнути на кого. Правильная бо се вина[2758]: «Бия верна или неверна иерей, да извержется».