Том 17 (XVII век, литература раннего старообрядчества)

Аще и тщета[2759] от кого прилунится, вмещай[2760] и к Богу прибегай, прося помощи о терпении, и, по словеси Спасителеву, молися за творящих ти пакости. И брань наша токмо к единому дияволу, по апостолу: «Несть наша брань к плоти и крови, но к воздушным духовом»[2761], рекше к бесом. Но токмо егда прилунится, любо невозможно уклонитися от врагов, и принуждати начнут отврещися истинны и похулити Бога или образ его пречистый, или Пресвятые Богородицы, или святых Божиих хулити, или образы их начнут, тогда не умолчи, но проповеждь пред человеки истинну, да на небеси со ангелы ликовати сподобишися. А аще кто пред человеки отвержется, отвержен будет от славы Божия и з бесы мучитися во веки безконечныя будет.

Буде икона написана, живопись латынских переводов, и такия велят держать, а истинныя иконы старыя хулить начнут и новым повелят покланятися, и рука благословенная будет по-новому написана, и ты не поклоняйсь, а глаголи, яко: «Мы в прелесть не веруем, но в соборную апостольскую Церковь, а се прелесть латынская». И обратився на восток, поклонися, знаменався[2762] десною рукою, тако нас научиша Афанасий Великий[2763] и преподобный Иоанн Дамаскин[2764].

И о сем ти помянух, еже в разуме нынешнее время преходит, яко дние лукавии[2765] суть до нас доидоша[2766], по апостолу, и, якоже пишет, собра во свое время Сатана своя слуги и верных христовых рабов погна, по Писанию, овых — грозою, иных — честию, и иных же — прелестию. Якоже и Капитоновы ученицы[2767] прельстилися, еже и Кирик на Плесе мне, грешному, повода, что сына его духовнаго звали в пустыню Капитоновы ученицы и говорили: «С нами, де, сам Христос, с небеси сходя, беседует». И добре, святии отцы научиша нас о сем сице. Егда рекут, прельстившеся: «Се в пустыни Христос!» (или зде, или онде), и вы не исходите вослед их от единыя истинныя главы Господа нашего Исуса Христа и от соборныя апостольский веры во их пустошныя и прелестныя глаголы[2768], понеже «пустыню» глаголют святии отцы — пустошныя[2769] их глаголы и во прелести[2770] их житие. Пустыня наричется внешняя, рекше, прелесть.

И мне, грешному, прилучилося со многими от них на словах быть[2771] и от мнозех верны слышати про них, и разсмотрих о них, яко в крайнюю прелесть доидоша и в различьныя ереси въпадоша. Инии от них сложение перст истинно воображают на лицах своих, такожде и молитву истинно творят, но, по апостолу, истинну в неправде, держат и нечистоте[2772], — от рвения — Христа проповедывают.

Прочее же, возлюбленный мой, реку ти последнее. Аще кто не повинуется писанному святыми, рцы таковым: «Не мы худии, но да отвещае вам святый Исидор Пилусиот[2773] сице: „Аще не ведуют святыми написанному, таковии единым от двоих недугуют[2774]: или не веруют святыми написанному, или себе самех тщуют[2775] мудрейших Святаго Духа быти — и не что иное, токмо беснуются”».

И послал я к тебе з братиею, ползы ради, посланейца отца Аввакума, и пользуйся ими, и прочих верных пользуй. «Развращенных[2776] же — по первом и втором наказании — отрицайся», по апостолу[2777], и «пред свиниями не сыпли бисера, да не попирают ногами»[2778]. Или аще кто речет ти, яко Аввакум самохвален, такие грамотки пишет, и велеречив есть, ты же рцы противу таковым, яко: «Зле глаголете сия, но отец Аввакум воистинну апостол Христов есть, якоже рече Павел: „Подобни мне бывайте, якоже и аз Христу”[2779]. И оному глаголющему словеси внят Аввакум: „Аз есмь путь, и истина, и живот”[2780]. И подобится воистинну своим страдание апостольскому страданию и путем Христовым шествует, и повеленное от Бога верны возвещает, якоже и Симеону, Новому Богослову[2781], по прошению его Божий ответ последова, яко „верным мои тайны моя открывай и возлюби их”». И приглаголуй и сия таковым: «От безумия вашего и дерзости неопасивыя, како не устрашитеся в толику бездну себе погибели поринути[2782], но и сия ваша хула на рабов Божиих через их на самого Бога возходит. И аще не престанете от сего и не покаетеся, и со онеми глаголющими на Господа нашего Исуса Христа часть и жребий приимете: „Сей человек ядца[2783] и винопийца, и беса в себе имать”»[2784].

И не сумнися о сем, еже апостолами нынешних страдалцов в лепоту нарещи, яко славнейшии и вышшии, по Писанию святых, первых мучеников имут быти, и честь и престолы апостольские даны им будут. Ты же, любимче, о сем не дивися, что никонияня нынешних страдальцов хулят, но веждь, и великаго Предтечю Иванна поносили: «Сей человек ни пиет, ни ест — беса в себе имать»[2785]. Такожде и Иоанна Лствичника присноглаголива и блядива нарицали, и много о сем образцов в Писании святых обрящеши. И я отца Аввакума истинна Христова ученика исповедую, сего ради и вопрошаю, что хощу от него научитися всяком доброму делу.

ВОПРОС — ОТВЕТ СТАРЬЦА АВРААМИЯ {66}