Том 17 (XVII век, литература раннего старообрядчества)

А в нынешних учителех несть таковаго обычая, но и сами, ихъже вы называете вселенскими, патриархи своими руками дерзают, якоже и Павел владыка возложи руку на худость нашю. Да вы же глаголете, яко и Христос бил человеки бичем. О том Иоанн Богослов в своем Благовестии ясно написал: егда сотворил бичь от верви Господь, и изгна ис церкви волы и скоты, а словесных не бил, но речию им говорил изыти ис церкви. Исполнил Писание законное, еже писано: «Жалость дому твоего снесть[2818] мя»[2819]. Да и во пророце Дух Святый провеща о кротости Спасителеве за много лета. Да и самого Господа глаголы сказуют нам явно, еже рече: «Возмите иго мое на себе и научитеся от мене, яко кроток есмь и смирен сердцем»[2820]. И потом вси богословцы сказуют, яко не токмо не бил Господь человеки, но ниже въпреки глаголал.

Да вы же глаголете, что сами себе погибели не хощете, и сего ради вас послушати и Никонову веру приняти, отставя святых отец наших предание. И мните его мудра паче отец наших, сего ради и предание его держите. И мы вас немудрыми не называем, но и зело премудрыми. Только судите сами себе, добрее вам будет, аще не будите превозноситися над отцы своими, да не удалится от ва спасение. И колико премуд бысть Ориген[2821] и, уповая на свою мудрость, паче отец нача мудрствовати и во смирение не прииде, но оправдуяся в неправде, вечную себе погибель приобрел. Да и много Писании обрящем таковых обрасцов. А о крещении реку вам: первое, Символ православный веры от лица крещаемаго трижды глаголется превращенно; во имени Исусове литера прибавлена и Духа Святаго крещаемаго истиннаго не проповедуют, емуже и по крещении во истиннаго Бога веровати невозможно. Да и вся главизна о крещении превращена, и положено в десть[2822] только 16 листов, а в старых Потребниках 25 листов[2823].

И власти мне говорили: «Мы с Никоном не вново завели Символ православный веры, но со старописанных книг и з древних греческих исправили, и подлинно разсмотрели, что от святых отец на вселенском соборе и в „Духа Святаго Господа истиннаго” не положено, но точию „Господа животворящего”. А имя Исусово справили против граматическаго разума».

И аз им рек: «Несть сицевая справа разума граматическаго. Еже рещи „и Исус”, но тако будет соуз по граматическому разуму. А еже Иван Екзарх пишет в Шестодневе своем: „Еже рещи и Исус, то станет два имени”. Да и в Острожских печатных Апокалипсисах Толковых, в предисловиях, изъявлено о сем, яко Коринфа еретика[2824] сие умышление.

А о истиннем Дусе глаголете, яко святии отцы на соборе не положили истиннаго. А святии отцы не прекословцы были Христовым словесем, еже сам Господь, уча нас во свято Евангелии, глаголет: „Егда приидет утешитель, егоже аз вам пошлю от Отца, Дух истинный”[2825]. Да и во иных местех наричет Господь истинным. А о себе глагола Господь: „Аз есмь путь, и истинна, и живот”[2826]. И посем явно, яко и Дух Святый право исповедается истинный и животворящий. Тако и вси святии богословцы исповедуют, последующе истинному учителю своему Христу, якоже научил нас, глаголя: „Аще в моем словеси пребудете, то воистину ученицы мои будете”[2827]. Такоже и в послании своем Иван Богослов написал: „Всяк преступая и не пребывая во учении Христове, Бога не имать”[2828].

И отцы наши не преступали Христова учения и сему Спасителю угодили правою верою. И мы им последуем и за молитв их хощем спастися. А еже глаголете: „Святии отцы на вселенском соборе не положили истиннаго”, — и се ложь есть. Не преступники были святии отцы богословии Господа нашего Исуса Христа. И облак[2829] свидетельства о сем в Божественном Писании от святых отец, яко право так во Святый Дух веровати, как у нас до Никона патриарха во отеческих книгах напечатано. Так же и Фотий патриарх[2830] в послании своем Символ православныя веры писал против наших отеческих книг. Да и во Острожьских Следовальных Псалтырях[2831]. А святый Иван Дамаскин в Соборнике, в Слове в неделю православия[2832], зело ясно пишет и повелевает веровати и в Духа Пресвятаго Господа истиннаго и животворящаго. Так же и Веры книги списатель[2833] приводит всех седми вселеньских соборов и девяти поместных святых отец, яко вси тако повелевают веровати, как в наших отеческих книгах.