Том 17 (XVII век, литература раннего старообрядчества)

А в нашей Росии в 20 в 3 лета, отнележе[1190] враг развратил Церковь[1191], и внесены Быша еретические уставы, много пагубы бывало: мор на всю землю, и сеча, и междоусобие[1192], и кровь безпрестанно льется, за начальничьи игрушки! А еретики ему блазнят и лагодят[1193], глаголя: «Яко на кроткова, государь, Давыда, напасти и беды на тебя и на царство твое бывают». А не молвят так: «Что, де, государь, войны те и смущение во царстве том, яко при Сауле царе, сыне Кисьсове[1194]. Несть ли, де, и во твоей душе таковаго смущения, якоже и в ево, Саулове, мерзской? Осмотрися, де, государь, и прибегни с покаянием к Богу, да милостив будет ти зде и в будущем веце, яко Манасии. Умилися, де, государь, яко Ахав, развративше Израиля, прибегни, яко блудница, воззови, яко хананея; припади, яко мытарь, бия в перси, и яко разбойник возопи[1195]: „Помяни мя, Господи, егда приидеши во царствии си!”»[1196]. Да милостив будет ти Господь Бог, не ревнуй[1197] лукавнующим, ниже завиди творящим беззаконие[1198], зане, яко трава, скоро исшут[1199] или, яко зелие злака, скоро отпадут. Престани, де, государь, проливати крови неповинных, пролей в то место слезы! Угаси пещ, палящую рабов Христовых в Боровске и в Казани[1200]! С воздыханием из глубины сердца расторгни узы сидящих в темницах и изведи живых, закопаных в землю! Припади к коленома их с покаянием, да умолят о тебе Бога, яко о Феофиле-иконоборце Мефодий[1201] древле. Так же был миленкой Мефоди-ет з двема разбойникома закопан в землю, яко и бояроня Морозова Феодосья. В Боровске с прочими, в земле сидя, яко кокушка кокует. Кокуй, бедная, небось ничево, венцы мнози над тобою! И Евдокея-княгиня кокуй, и Марья Даниловых[1202] кокуй, и прочии. Елицы во Христа крестишася, в смерть его крестихомся, спогребохомся убо ему крещением в смерть. Да якоже воста от мертвых славою Отчею, тако и мы во обновлении жизни вечныя станем с ним в веселии и радости жити. Забудем вся сия наветы, потерпим еще благодушие Господа ради, дондеже совершится тайна. Тайна сия от века и от родов в Бозе самом сокровенна, вашего страдания и брацкия скорби, якоже Златаустый пишет «О вочеловечении слово»: усмотрил Бог Петра во Адаме, усмотрил и Павла; Павлу проповедающу учения слово, а Петру вверяем ключи Небеснаго Царства; и не радуется Бог так о Адаме, кормимем в породе[1203], якоже о Петре и Павле, о двух камыках[1204] и жемчюгах чюдных. Право, было так.

Да и ныне, Прокопьевна, немало веселие Богу, как вы кокуете, сидя закопаны в земле той. Пострижена ты уже нынеча, инока скимница Феодора[1205], миленкая моя! Ка то человеку тому, душька та коему болна[1206], всяко домышляется, еже бы не во тшету жизнь изнуряти! Хороша ты и так милостию Божиею была и без чернечества тово. А ныне и давно добро, кстае[1207] плакать, силно ладно. Так же бы нам надобно царя тово Алексея Михайловича постричь, беднова, да пускай поплачет хотя неболшое время. Накудесил много, горюн, в жизни сей, яко козел скача по холъмам, ветр гоня, облетая по аеру, яко пернат, ища станы святых, како бы их поглотить и во ад с собою свести. Но спаси его, Господи, имиже веси судьбами своими, Христе, за молитв кокушек тех бедных, сидящих в земле.

Аще ли належит покаяние ему, — ты веси, буди воля твоя, а не моя! Азъ есмь червь, а не человек[1208], дерзаю паче человека, выше меры моея, угнетаем болезнию по души заблуждшей его, желая и ища от тебя, Всемилостиваго Спаса, исправления его. Несть дивно, еже праведника спасти, но преславно, иже грешника помиловати, и в разум истинный привести.

Ты еси Бог наш, иже водою и духом обновивый обетшавшее грехом естество наше.

Ты еси Бог наш, иже водою потопивый при Нои трех.

Ты еси Бог наш, иже морем свободивши от работы фараоня Моисеом род еврейский.

Ты еси Бог наш, разразивый камень в пустыни, и потекоша воды, и потопы наводнишася, и жаждущая люди своя насытивый.

Ты еси Бог наш, иже водою и огнем при Илии пременивый Израиля от прелести Вааловы[1209]. Сам и ныне, Владыко, премени от прелести царя Алексея, беднова, от новаго Ваала, злодея Никона со дьяволом, и даждь ему очищение, и освящение, и душевное прозрение. Просвети светом разума к познанию твоея истинны[1210], вдохни благая в сердце его, да познает тя, Сына Божия, и прибегнет под кров покаяния; устави смущение души его, яко воды морьския, колеблющийся ветры зелними[1211]; приими жертву его слезную паче, нежели Авелеву; приклони ухо твое к молению нашему, и возглаголи благая в сердца наша, отец наших и братий, о нем, к тебе, Богу и Спасу всех, яко милостив еси и щедр, Боже наш, и тебе славу возсылаем, в Троице славимому Богу Отцу и Сыну и Святому Духу, ныне, и присно, и во веки веком. Аминь.