Том 9 (Конец XIV - первая половина XVI века, подъем общественного значения литературы)

В сих же наста жертовное еллином трьжество, паче же и варваром, и всемъ бе покой от ратей и трудов. И убо вои еллинстии и тройское множество въедино смешахуся, сьдеяти ничтоже смеяху. Бе же храмъ при станах добронырнаго Троя, идеже часто приходя Ахилей виде Поликсению.[163] Он же увещеватися отаи творяшеся и сия лестию деяху Диифов и Парие. Якоже убо внидоша в церковь Аполона Алсеанина, клятвами связующе яже о Поликсении; Диифов убо приснее любляше Пилея, филея жениха сестре своей нарицая его, близ же став, Александръ прободе его, и отскочив избеже з Диифовомъ.[164] Ахилей же паки на издыхании бе последнем. Ощюти же сиа, Дисевес, яздяше бо с нимъ, и с ннмъ Диоген Еа Теламонянин.[165] Вкупе же убо в церковь въскочивше, обретоша ироа лежаще, кровми облиянна и угасша, дыхающа едва, и движуща языкъ, и хотящима очима его покрытися тмою. Якоже убо видеста его, проплакаста, и нападь на перси его, Еа великий с плачем к Пилеу рече: «О ратем разрушителю и исполине крепкорукий, кто погубити тя возможе львояростънаго»! Он же, едва прогласив, рече: «Убиста мя Диифов и Парие лестию». И сия рек, и издыше толикий ирое. Ее же на рамо возложити тело Ахилеово горце, войску принесе плачася.

Абие же принесе Пира Ахилеова, новаго Птоломея, сущаго от Диидамие.[166] И паки беша убивства и заклания, паки мужоубиения, и паки кровми облияся земля и тройска поля, и паки кровавлени быша скамандрови струя,[167] дондеже волхви им пророчеством изрекоша, яко несть мощно по рати взяти Трои, ни руками, ни по мечю, но токмо лестию единою. И абие содеяше коня древяна, и затворени в немъ мужа вложивше, отити творяху ко отечеству своему. И коня убо оставиша ту у пристанища, сами же творяхуся в Тенедскнй остров.[168] Видевше же трояне приключившееся, видеша пристанища пуста. Коня же единаго видяще, недоумеюще дивляхуся. И сперва убо мняще быти все прелесть, погубити коня покушающеся и огневи предати, или поврещи низ стену, или в глубину морскую. Та же, понеже приспело бе Трою взяти тогда, в дом увещаше внести коня, яко образ и корысть от супротивных, И ови убо внесоша его, и питием и играм себе вдавше, усыпаху глубоким сном. Мужие же крыющеися и на сие ловяще, изшед молкомъ, пламень воздвигоша велик, иже видевше еллине проотплувшеи воскоре пловущеи придоша ко Трою, и вратом отверстом бывшу от предвшедших, яко вода вольяшеся зело некако наводнившиеся.

Твердонирьному же сице прияту бывшу Трою, жены восхищаеми беху ис чертогъ новонасажденных, земля наводняема бе кровми падающих, младенцы наперстни ударими беху о стену. И спроста рещи, яко вмале плачь вся содержаше, и все лютое и горкое изполняше град. Руце кровми капляху, и червляняхуся мечи, земля же оброщися, и попираеми бяху младенцы. И якоже убо некогда насытившеся, восхищающе и убвивающи, огневи предают и попаляют от основание еже во градовох прекраснаго и преизряднаго, якоже убо о рати си имяше образ.

Честь же претыкнувшися единою от Менелаа, другими новыми истает окаяннаго болезньми. И паки плавание должайшее, воевание морско другое, и болезни приемлют ветхи новии, корабли елиспонские египетские глубины. Отходит убо къ Египту, и лютая измеряет море, и обурен быв и оволнен ветры крепкими и страшными едва приспе к нему. Вьзыде же кь Протеу царю и обрете и супружницу тамо въ Мемфе, и угощен и почьтен бысть, поемлет Елену, и с трудом довольнымъ приспевает ко отечеству си, и по тройсцем пленение осмому лету текущу по заблуждению еже къ Протеу. Обретает и сродника сии окаянне погибша лестию злыя жены, ехидны прелукавые, обретает братова си сына Ореста растаявша отчий посрамившаго род и сродство, и с ним безстудную матерь нареченную обручницу.[169] <...>

III

ЦАРСТВО ФЕОДОСИЯ МАЛОВО

Якоже убо персть Аркадие отдастъ телесную, на восточных странах Феодосее посаждаетца, егоже царь Аркадие зачат от Евдоксии.[170] Феодосие же убо свою дщерь посылает к Валентияну[171] на приобщение брака. Нъ сластолюбивое сего юноши и слабость неудръжаннаа плотолюбию и жизни лиши его и царства, и блуду обещьника низведе в поругание. Како же сеи бысть, сказати иматца вскоре.