Церковный суд на Руси XI–XIV веков. Исторический и правовой аспекты

В лѣ^т̑. ҂s҃. х҃. о҃. з҃. [1169] Мстислав же Андрѣєвичь. посади в Къıєвѣ стръıӕ своѥго Глѣба. а са^м̑ иде ѡпѧ^т̑ Володимерю. а Глѣбъ да сн҃ови своєму Переӕславль. В то же лѣт̑. чюдо створи Бъ҃ и ст҃аӕ Бц҃ѧ. новоє в Володимери городѣ. изгна бо Бъ҃ и ст҃аӕ Бц҃ѧ Володимерьскаӕ. злаго и пронъıрливаго. и гордаго лесть|ца. лжаго влд̑ку Феѡдорца. из Володимерѧ ѿ ст҃ъıӕ Бц҃ѧ. црк̑ве Златоверхъıӕ. и ѿ всеӕ землѧ Ростовьскъıӕ. не въсхотѣ бо блгс̑веньӕ и оудалисѧ ѿ него. тако и сь нечс̑твъıи не всхотѣ послушати хрс̑толюбиваго кнѧзѧ Андрѣӕ. велѧща ѥму ити ставитъсѧ к митрополиту г Къıѥву. и не всхотѣ. наче же Бу҃ не хотѧщю ѥго и ст҃ъи Бц҃ѣ. изверже ѥго изъ землѣ Ростовьскъı. ѿиметь ѿ него үмъ. такоже и надъ симь створи Бъ҃. ѿӕ ѿ него үмъ. кнѧзю же ѡ немь добро мъıслѧщю. и добра ѥму Г хотѧщю. сь же не токмо не всхотѣ поставленьӕ ѿ митрополита. но и цр҃кви всѣ в Володимери [повелѣ] затворити. и ключѣ цр҃квнъıѣ взѧ. и не бъıс̑ ни звоненьӕ ни пѣньӕ по всему граду. и въ сборнѣи цр҃кви. в неиже чюдотворнаӕ мт҃и Би҃ӕ. и ина всѧка ст҃ъıни єӕ. к неиже вси хрс̑ьӕне съ страхом̑ пририщють. оутѣху и Заступницю имуще. и цѣленьӕ ѿ неӕ приємлюще. дш҃мъ и тѣлом̑ своимъ. и ту дерзну /л.119 об./ црк҃вь затворити. и тако Ба҃ разгнѣви. и ст҃ую Бц҃ю. томъ бо дн҃и изгнанъ бъıс̑. мс̑цѧ. маӕ. въ. и҃. дн҃ь. на памѧт̑ стаг̑ Іѡан̑ Бословца. Много бо пострадаша чл҃вци ѿ него. въ держаньи ѥго. и селъ изнебъıвши и ѡружьӕ. и конь. друзии же и роботъı добъıша. заточеньӕ же и грабленьӕ. не токмо простьцем̑ но и мнихом̑. игуменом̑ и єрѣѥмъ. безъмлс̑твъ съıи мучитель. другъıмъ члв̑комъ головъı порѣзъıваӕ и бородъı. инъıм же ѡчи въıжигаӕ. и ӕзъıкъ оурѣзаӕ. а инъıӕ распинаӕ по стѣнѣ. и муча немлс̑твнѣ. хотѧ исхитити ѿ всѣх̑ имѣньѥ. имѣньӕ бо бѣ не съıтъ акъı адъ. посла же ѥго Андрѣи митрополиту в Къıѥвъ. митрополитъ же Костѧнтинъ повелѣ ѥму ӕзъıкъ оурѣзати. ӕко злодѣю и єретику. и руку правую оутѧти. и ѡчи єму въıнѧти. зане хулу измолвї на ст҃ую Бц҃ю. потреблѧють бо сѧ грѣшници ѿ земьлѧ. и безаконьници ӕко | и не бъıти имъ. и сбъıс̑сѧ слово єуальскоє на нем̑ гл҃щеє. єюже мѣрою мѣри[те] възмѣритьсѧ вам̑. и имже судомъ судите судит̑сѧ вам̑. судъ бо безъ млс̑ти не створшему млс̑ти. другоє же слово молвить. аще кто незаконьнѣ мученъ будет̑ не вѣнчаєтсѧ. грѣшнъıи бо и сдѣ по грѣху мучитсѧ. а на судѣ Би҃и ѡсудисѧ в муку. такоже и се бес покаӕньӕ пребъıс̑. и до послѣднѧго издъıханьӕ. оуподобивъсѧ злъıмъ єретикомъ не кланѧющимъсѧ. и погуби дш҃ю свою и тѣло. и погъıбе памѧт̑ ѥго с шюмомь. такоже чтуть бѣси чтущаӕ ихъ. ӕкож̑ и сего доведоша бѣси. възнесше мъıсль ѥго до ѡблакъ. и оустроивше в немь. в҃. го Сотонаила. и сведоша и въ адъ. ѡбрати бо сѧ болѣзнь ѥго на главу ѥму. и на верхъ ѥго неправда ѥго сниде. ровъ изръı и ископавъ ӕму впадесѧ в ню. то бо злѣ изъспроверже животъ свои. а хрс̑ьӕне избавлени Бъ҃мъ и ст҃ою Бц҃ею. радующесѧ и веселѧще гл҃ху. блгс̑внъ /л.120/ ѥси Бе҃ Бе҃. ӕко тобою проидохом̑ сквозѣ ѡгнь и воду. и проидохомъ въ оутѣху бл҃гу. изволеньємь бл҃гъıмъ спс҃ающаго нас̑. тъı бо страшенъ и кто противитсѧ тобѣ. и противу величьству мъıшца твоєӕ кто равнитьсѧ. тъı всемощенъ ѥси. оубожа и ба҃тѧ. оумерщвѧӕ и ѡживлѧӕ. творѧи всѧ премудрено. творѧи ѿ нощи дн҃ь. а ѿ зимъı весну. и ѿ бурѧ тишину. и ѿ суша тучю. и въздвизаӕ кроткаӕ на въıсоту. и смѣрѧӕ грѣшиикъı до землѧ. видѧ бо видѣ ѻзлобленьѥ людии своихъ сихъ кроткъıх̑ Ростовьскъıӕ землѧ. ѿ звѣроӕдиваго Феѡдорца погъıбающих̑ ѿ него. посѣтивъ сп҃се рабъı своӕ. рукою крѣпкою и мъıшцею въıсокою. рукою блг҃очтивою цр҃скою. правдиваго и блг҃овѣрнаго кнѧзѧ Андрѣӕ. се же списахом̑. да не наскакають нѣции на свѧтительскъıи санъ. но ѥго же позоветь Бъ҃. всѧкъ бъ даръ свъıше сходѧи ѿ тебе ѡц҃а свѣтомъ. ѥгоже блгс̑вѧть чл҃вци. будет̑ блгс̑нъ. ѥгоже | прокленуть чл҃вци. будет̑ проклѧтъ. тако и сь Феѡдорець. и не въсхотѣ блгс̑влньӕ. и оудалисѧ ѿ него. злъıи бо злѣ погъıбнеть…[181]

Личность епископа Феодорца – одна из самых противоречивых и даже одиозных в истории Русской Церкви. Его восхождение на высоту епископского служения, участие в политической и религиозной жизни Владимира, Ростова и Суздальской земли в целом[182], наконец, обстоятельства смерти полны недосказанности. Столь же тенденциозны и критичны историографические суждения о жизни первого владимирского архипастыря. В последние годы предпринимались попытки переосмыслить образ этого архиерея и иначе оценить связанные с ним события[183], однако наиболее объективным и полным исследователем жизни и трудов этого иерарха по-прежнему остается труд Н. Н. Воронина[184].