Загробная жизнь или последняя участь человека

2) Христос в Евангелии глаголет: не нарицайтеся учителие: един бо есть ваш учитель, Христос, вси же вы братия есте; и отца не зовите себе на земли; един бо есть Отец ваш, Иже на небесех; ниже нарицайтеся наставницы; един бо есть наставник ваш, Христос (Мф. 23, 8-10). Понеже убо един есть учитель Христос, един наставник Христос, един Отец, Иже на небесех, — убо согрешил ли есть Павел, нарицая себе учителем языков? Почто же и вы, противницы, на земли нарицаете себе отца, учителя, наставника? Иначе бо родившаго вы нарещи не можете, точию отцом, и учащих вы иначе не зовете, точию учителями и наставниками. Чего ради убо преступаете заповедь Господню? Рцыте нам. Инако отвещати не можете, точию с нами согласующе и глаголюще, яко един есть Отец на небеси превосходством, един учитель и наставник Христос превосходством. От того бо единаго Отца вси отцы на земли происходят, от единаго учителя и наставника Христа вси учители и наставницы учение правое и наставление восприемлют. Земнии же отцы суть поистине отцы, но в чине нижайшем, суть отцы отечеством, от единаго Отца Небеснаго происходящим. Такожде учители и наставницы земнии суть поистине учители и наставницы, но в чине нижайшем: сиречь400, учительством правым и наставлением, от единаго учителя Христа начало приемлющим. — Тожде разуметися имать, егда слышим или чтем: «Един свят, един Господь Иисус Христос»401. Но како един свят Христос, како един Господь Христос, аще и иных святых Писание святыми нарицает и иных господей господами? На сие ответ той же, что и выше. Един свят Христос, един Господь Христос, святостию и господством превосходительным, никому же подлежащим, ни от кого же происходящим и никому же сравнительным. Прочии же святии и господие суть в чине нижайшем, от Христа далече разстоянием, суть святыми, суть господами, святостию и господством свыше происходящим. И якоже разжженное железо жжет и палит не от себе, ибо железо само собою есть хладно, но жжет и палит причастием огня, силу пламенную железу дающаго: тако и о святости и о господстве иных святых и господей рещи подобает».

Весьма раздельно изложена в «Камене веры» мысль о том, что святые суть предстатели и ходатаи наши, имеющие силу ходатайства от Христа.

«Един есть ходатай Бога и человеков, человек Христос Иисус, давый Себе избавление за всех». Якоже убо единство Отца Небесного не отметает отцов земных, ниже единство наставника и учителя Христа наставников и учителей земных, ниже единство святости и господства Христова отъемлет святости от прочих святых и господства от господий земных: тако ниже единство ходатая Христа отметает прочих ходатаев различие, точию ходатайства и расстояние несравненное посредствует. Христос бо ходатай есть по превосходительству, якоже речеся: святии же суть ходатаи низшаго и от Христа далечайшаго степене. Христос есть ходатай искупления и моления ко Отцу сыновняго: святии же суть ходатаи единаго моления дружескаго, по глаголу псаломску: Мне же зело честны быша друзы Твои, Боже (Пс. 138, 17). Христос есть Ходатай, иных за Себе ходатаев не требующь: святии же, зде живуще, требоваху ходатая Христа, и ныне требуют, не себе ради, но нас ради. Христос есть Ходатай, силу ходатайства от Себе имущь: святии же суть ходатаи, силу ходатайства имуще от Христа и от заслуг Его крестных, по подобию железа, еже не от себе имать силу паления, но от причастия огня. Христос есть Ходатай естеством: святии же суть ходатаи благодатию...»

И далее: «Егда апостол глаголет: яко един есть Ходатай и Посредственник между Богом и человеком, Христос, сие того ради глаголет, яко Христос не точию есть Посредственник по Своему званию, яко умилостивляющь Бога к человеку, но и по Своему естеству, посредствуя между Богом и человеком: понеже Он есть Бог и человек, еже к примирению человека с Богом весьма нужно бяще. Сея ради вины един таков есть Ходатай и Посредственник Христос. Святии же не суть, ниже могут быть таковы ходатаи. Тако богомудрствуют и научают отцы святии: Златоуст, Амвросий, Феофилакт, Епифаний, Кирилл и прочии»402.

6. Почитание святых мощей

Воздавая должное почитание угодникам Божиим, Святая Церковь, вместе с тем, чествует и остающиеся на земле мощи или телеса их, также удостоившиеся быть храмами Святого Духа (ср.: 1 Кор. 6, 19; ср.: 3, 16, 17), равно и другие останки святых, получившие от них или чрез них освящение, каковы: риза, пояс Богоматери, вериги святого апостола Петра и прочие403.