Древнерусские патерики

л. 51 об. возбрани ему, глаголющи¹: «Не² мысли³, ни⁴ сотвори сего. Сице бо сотворися в нашей земли: некоеа ради вины изгнани быша черноризци⁵, велико зло сотворися⁶ в Лясех». Сего ради Моисея⁷ се сотворися, якоже преди⁸ писахом⁹. ¹⁰Се уже¹¹ постигохом и си написахом¹² о Моисеи Угрине ¹³и о Иване¹⁴ Затворнице, еже сдея ими Господь в славу свою, и прославляя их терпениа ради, и дары чюдотвория¹⁵ обогати. Тому слава!

16 Слово о Прохоре чрноризци, еже зовется Лобедник 17

Якоже изволися человеколюбцю Богу, о своей¹⁸ твари на вся времена промышляа, роду человечьскому полезнаа даруя. Нашего хотя покааниа, беды наводить, или глад, или рати за нестроение¹⁹ сущаго властелина. Сим бо приводить²⁰ Владыка наш человечьское²¹ неродство²² на добродеяние и на память дел неподобных, ибо злая делающе и неподобнаа предани будут²³ злым ²⁴и²⁵ немилостивым²⁶ властелином грех ради наших, но ни ти убежать суда: суд²⁷ без милости не створившему²⁸ милости[214].

Во дьни княжениа своего в Кыеве Святополк много насилие сотвори[215]: домы силних искорени без вины²⁹, имениа многых³⁰ отъем, егоже ради ³¹Господь попусти ³²поганым силу имети³³ на нем; и быша брани мнози от половец, к сим же усобице³⁴. Бысть в та³⁵ времена глад крепок и скудота велиа при всем³⁶ в³⁷ Руской земли.

Бысть же в ты³⁸ дьни приити некоему от Смоленска ко игумену Ивану³⁹[216], //

л. 52 егоже постриг, Прохора ¹менова того². Сей же, убо быв3 чернець⁴, вдасть себе ⁵во воздержание, яко и хлеба себе⁶ лишив⁷. Сбираеть⁸ лобеду⁹ и своима рукама стираше¹⁰, хлеб¹¹ себе творяше и сим¹² питашеся. И се готовляше ¹³до горда¹⁴, и в приидущее лето тоже готовляше, яко доволну ¹⁵быти ему¹⁶ без’ хлеба весь живот свой. И сего ради прозван бысть Лободник¹⁷, ибо николиже хлеба вкусил, разве просфиры¹⁸, ни овоща никаковаже, ни питиа, точию лободу¹⁹ и воду, якоже выше речеся. Сий²⁰ не поскорбе николиже, но ²¹весел работаше²² Господеви, радуяся. И не устрашися²³ рати находящая, зане бысть ему житие, яко единому от птиц: не стяжа ни²⁴ села, ни житница²⁵, идеже збереть благаа своя[217]. Сий не рече: «Душе, имаши многа добра лежаща²⁶, яжь и пии!»[218] На многа лета ²⁷иного не имеяше²⁸, разве лободы²⁹, но и сего³⁰приготовляше на приидущее лето, глаголюще³¹: «Человече, в сию нощ ³²истяжуть душу твою³³ от тебе, яже приготованая лобеда³⁴ кому будет?» Сий исполни³⁵ слово Господне реченое делом, еже рече: «Возрите на птица³⁶ небесныа, яко ни сеють, ни жнуть, ни в житницю³⁷ сбирають, но Отець ваш небесный питает я³⁸»[219]. Тем³⁹ ревнуя, сий блаженый⁴⁰ Прохор лехко преходя путь, идеже лобода⁴¹ будяше⁴², на своею раму, яко на крилу, в манастырь приношаше, ⁴³на свою кормлю готовляше⁴⁴: не⁴⁵ на⁴⁶ оранней земли ненасеяннаа⁴⁷ пища ⁴⁸бываше ему⁴⁹. //

л. 52 об. Гладу же велику приспевшу, и смерти надлежащи глада ради на вся люди. Блаженый же дело свое сдержаше, сбираа лободу¹. И, се видев, некый человек сбираше² лободу³ себе же ради и домашних, да тем препитеються⁴ в гладное время. Сему же тогда блаженому паче умножашеся лобода⁵ на пищу, ⁶болий труд⁷ собе творя⁸ в ты дьни: ⁹своима рукама¹⁰ собирая таковое зелие¹¹, якоже преже рех¹², сбирая, хлебы творяше и раздаяше неимущим, от глада умирающим. Мнози же беша у того требующе¹³ в гладное¹⁴ время, он же всем раздааше¹⁵, и всем сладко являшеся, яко с медом суще¹⁶; и¹⁷ не тако хотети кому хлеба, якоже от сего ¹⁸руку блаженаго прияти¹⁹. Кому убо даяше со благословением, светел и чист являшеся и сладок бываше хлеб.

²⁰Некто же, втайне крад, бес того повелениа ясть, и²¹ не можаше, зане обреташеся в руку его²² акы²³ персть и горек паче меры бываше. ²⁴Се створи многажды²⁵. Стыдя²⁶ же²⁷ ся от срама ²⁸и не могый поведати²⁹ блаженому своего согрешениа. Гладен же быв, не могый трьпети нужа естественыа, видя смерть пред очима ³⁰ему, вопия, приходить ко Ивану-игумену, поведая свою содетель³¹, прощениа прося о своем согрешении. Игумен же, не верова реченым, повеле иному брату се сотворити: втайне хлеб взяти, да разумеют³² истово³³, аще л. 53 тако есть. И при//несену

л. 53 бывшу хлебу, и¹ обретеся тако же, якоже и крадый брат сказал, и² не може ни един брат вкусити³ его от горести. Сему же сущу⁴ в руках его, посла игумен испросити хлеб. «Да⁵ от ⁶руку его, — рече, — возмете⁷; отходяще⁸ от него, ⁹другый, — рече¹⁰, — хлеб украдите». Сима же принесеным¹¹ бывшим¹², украденый же хлеб пред ними пременися и бысть яко прьсть и ¹³горек, яко и прьвый¹⁴; взятый же хлеб от руку его акы мед, светел явяся¹⁵. И сему чюдеси бывшу, прослу¹⁶ таковый муж всюду¹⁷, многы прекормив¹⁸ алчныя¹⁹, многим на ползу быв.