Древнерусские патерики

Егда же Святополк с Давидом Игоревичем рать зачаста про Василкову слепоту[220], еже ослепи Святополк, послушав²⁰ Давида Игоревича, с Володарем и с самим Василком, не пустиша гостий из Галича[221], ни лодий от Перемышля²¹[222], — соли не бысть во всю Рускую землю²². Такова неисправления быша, и к сему граблениа безаконная, якоже ²³рече пророк²⁴: «Снедающи люди моа в хлеба место Господа не призваша»[223]. И бе видети в велице беде тогда сущаа люди, изнемогша от рати и от глада, ²⁵без жита²⁶ и без соли.

Тогда же Прохор имея келию свою и собра множество попелу²⁷ от всех келий, сего²⁸ не ведущу никомуже, и се раздаваше всем, и бываше²⁹ чиста соль. Елико³⁰ раздаваше, паче множашеся. И³¹ ничтоже не³² взимаше³³, се³⁴ туне раздаваше, комуждо³⁵ елико кто //

л. 53 об. требовашеть¹; не токмо сде² довольно бысть³ манастыреви, но и мирским, к нему приходяще⁴, обидно взимаху на потребу домом своим. ⁵И бе вйдети торг упражняем⁶, манастырь же полн приходящих ⁷на взятие соли⁸. И ⁹оттого же воздвижеся¹⁰ зависть от продающих соль, и сотворися им неполучение желанна¹¹. Мневшеся¹² в ты дьни всего мира ¹³приобрести богатство¹⁴ в соли, се же бысть им¹⁵ тщина¹⁶ велиа: якоже¹⁷ преж драго ценяще¹⁸, по две головажне на куну[224], ныне же по 10¹⁹ небрегоме.

Восташа²⁰ же продающий, навадиша ко Святополку на мниха, глаголюще, яко: «Прохор-чернец отъял ны²¹ есть богатство, и мы обнищахом». Князь же, хотя угодити им, двое же помыслив: да сущую молву²² упразднить и притяжеть же²³ себе богатство. ²⁴Сим бывает мыслию, купец свещаа²⁵ своими точникы цену многу на²⁶ соли, да отъем у чернца, продавца²⁷ ей будеть. Крамолником тем обещевается: «Вас²⁸ ради, — рече²⁹, — пограблю чернца», крыя в себе мысль приобретениа. Хотя мало угодити им, многу же им спону творя, зависти³⁰ бо не ведая³¹, еже на ползу сотворити³².

Посылаеть же князь, да возмуть соль³³ у чернца. Привезеней же ³⁴соли всей³⁵, и прииде князь, хотя видети ю, с теми крамолникы, иже на блаженаго навадиша, и видеша вси, яко попел³⁷ //

л. 54 есть видети очима. Много же дивившеся¹: «Что?» — рече², недоумеваху³. Вернее⁴ же хотяху⁵ уведати⁶, что будеть⁷ таковое дело, обаче повеле ю сохранити за 3 дни, да разумеють истовое. ⁸Некоему же веляше вкусити попел обреташеся⁹ во устех его¹⁰.

Приходяще же¹¹ по обычаю множества народа, хотяще ¹²взимати соль у блаженаго, уведевше пограблена суща, возвратишася тщи¹³, проклинающи створшаго¹⁴ си. Блаженый¹⁵ же тем рече¹⁶: «Егда иссыпана будет, шедшее, разграбите». Князь же, держав за 3 дни, повел нощию иссыпати. Исьсыпану же бывшу попелу, ту¹⁷ абие¹⁸ преложися в соль. ¹⁹Уведевше²⁰ же гражане, разграбиша соль²¹.

И сему дивному чюдеси бывшу, ужасеся²² створивый насилие, не могый скрыти вещи, зане²³ пред всем градом створися, и нача испытовати, что есть сдетель²⁴ сии. Тогда сказаша²⁵ ону вещ князю, юже²⁶ створи, ²⁷лобедою кормя²⁸ множество людий, и во устех их хлеб²⁹ сладок бываше; некоторий же украдоша един хлеб, и обретеся акы персть и горек, акы пелынь³⁰. Се слышав, князь постыдеся о сотворенем и шед в манастырь ко игумену Ивану, покаася ³¹к нему³². Бе бо преже вражду я на нь, зане обличаще и несытства деля богатства и насилиа ради. Его же ем, Святополк в Туров заточи[225], //

л. 54 об. аще бы Володимер Мономах на сего не встал, егоже убоявся Святополк востаниа, скоро возврати, и¹ с честию², игумена в Печерскый манастырь.

Сего же ради³ чюдеси велику любовь нача имети ко святей Богородици и ко ⁴святыма⁵ отцема Антониа и Феодосиа⁶, чернца же Прохора велми чтяше и блажаше, ведый его раба Божиа воистину. ⁷Дасть же⁸ слово Богови⁹ ктому не створити насилиа никомуже. И се слово утверди к нему князь: «Аще убо¹⁰ аз по ¹¹Божии воли¹² умру у¹³ тебе, и ты ¹⁴своими руками¹⁵ вложи мя в гроб, да сим¹⁶ безлобие твое явится на мне. Аще ли ты преже мене преставишися, на раму свою в печеру внесу тя, да тем¹⁷ Господь прощение ¹⁸дасть о многосотвореном тобе гресе¹⁹».

Блаженый²⁰ же Прохор многа лета пожив в добре исповедании богоугодным²¹, чистым житием и²² непорочным. Посем разболевся, князю же сущу на войне. Тогда посылает наречие к нему, глаголя, яко: «Приближися час исхода моего от тела; но²³, аще хощеши, прииди, ²⁴прощение да возмеве²⁵, скончаеши обещание, да приимеши отдание от Господа²⁶ и²⁷ своима рукама вложиши²⁸ мя во гроб. Се бо ожидаю твоего прихода²⁹, аще умедлиши, аз отхожу; и не тако исправится³⁰ брань, якоже пришедшу ти ко мне». //

л. 55 Си слышав, Святополк воя распусти и прииде скоро¹ ко блаженому². Много же³ поучив князя о милостини же⁴, и о будущем суде, и о вечней жизни, и о бесконечней муце, дав тому ⁵благословение и прощение⁶ и целова⁷ вся сущаа со князем, простер руце горе⁸, предаст дух. Князь же, взем того, с черньци внесе⁹ в печеру, своима рукама¹⁰ в гроб вложи.