Древнерусские патерики

Овогда ли¹⁴ пакы прихожаху в нощи беси¹⁵ к нему, ¹⁶страх творяще ему в мечте¹⁷, яко се мног народ¹⁸ с мотыками и лыскари, глаголюще: «Раскопаем печеру сию и сего загребем¹⁹ сде». Инии²⁰ же глаголаху: «Бежи, Исакые, хотят тя загрести!» Он же глаголаше к ним: «Аще бысте²¹ человеци были, то во дьне^{22 23}бысте пришли, а вы есте²⁴ тма²⁵, во тме²⁶ ходите»[305]. Знаменав ся крестом²⁷ — исчезнуша. Другоици²⁸ же страшахуть²⁹ его во образе медвежьем³⁰, овогда же лютым зверем, ³¹ово ли волом, ово ли змиа ползяху, ово ли³² жабы, и мыши, и всяк гад — и не возмогоша ему ничтоже створити.

И рекоша: «Ό Исакые, победил ны еси!» Он же отвеща: «Якоже³³ бясте³⁴ вы мене прелстили во образе Исус Христове и³⁵ аггелстем³⁶, не достойни суще того видению³⁷, но се поистине топерво³⁸ являетеся во образе зверином³⁹, и скотием⁴⁰, и змиами, и всякым гадом, аци иже⁴¹ сами есте». Оттоле⁴² не бысть ему пакости никоеяже от бесов, якоже сам поведаше⁴³, яко: «Се бысть ми⁴⁴ за⁴⁵ 3 лета брань».

Потом нача⁴⁶ крепл⁴⁷ жити и воздержание имети⁴⁸, пощение и бдение⁴⁹. И тако живущу⁵⁰ ему⁵¹, сконча житие свое. Разболевся в печере, и несоша его в манастырь, ⁵²болного суща⁵³, и до осмаго дьне скончася о Господе в добре исповедании. Игумен⁵⁴ Иван[306] и братиа, спрятавше тело его, погребоша честно.

Таци беша чернци⁵⁵ Феодосиева манастыря, иже сиают и по смерти, яко светила⁵⁶, и молят Бога за ⁵⁷ зде сущую⁵⁸ братию, ⁵⁹и за мирскую чадь⁶⁰, и за приносящаа⁶¹ в монастырь, в немже и доныне добродетелно житие живут обще, вси купно, в пении, и в⁶² молитвах, и в⁶³ послушании, на славу Богу всемогущему молитвами Феодосиевыми соблюдаеми⁶⁴. Буди же всем нам получити жизнь вечную о Христе Исусе⁶⁵, Господе нашем. Ему же слава⁶⁶ со Отцем и со Пресвятым⁶⁷ Духом ⁶⁸и ныня, и присно, и во векы веком. Аминь⁶⁹.

Волоколамский Патерик

л. 2 Понеже убо мнози изначала от отець начаша чинити повести преже бывших отець, имьже ти сожителствоваша и от них слышаша, инаа же сами видеша и слышаша, странствующе по монастырем, и по лаврам, и по пустыням, бывающая чюдеса от Бога и святых его, уже отшедших к нему, инаа же от пребывающих еще в мире сем, и не точию сами от сих ползовашася, но инем писанием предаша в древняа роды, не скрывше таланта, яко добрии строителие благодати Владычня[307], яко да не забвена будут леты Божиа чюдеса и святых его, — изволися и мне последовати преданию святых отець[308], предати писанием сущим по нас бывшая преже отець наших, елико они слышаша от сущих преже их святых отець и елика в их лета быша, нам исповедаша, такоже и в наши лета бывшаа, еже от иных слышахом и сами ви//дехом,

л. 2 об. бывшаа во обители отца Пафнутиа[309] и ученика его отца Иосифа[310], и елика от них слышахом и от ученик их, сущих в их обителех, понеже отец нашь Иосиф по скончании отца своего Пафнутия прииде во свое отечество, на Волок Ламский[311], и состави з Богом свой монастырь.

Волок же той бяше изначала предел Великаго Новограда[312]. Достоит же рещи и о Велицем Новеграде, яко древний той бяше град. Во времяна святых апостол еще не бе ту града, но живяху нарицаемии «словене», идеже ныне Новоград. Святый же апостол Андрей восхоте ити в Рим[313], и вниде во устие Днепрьское и по нему в Понт-море[314], и тако прииде в Рим. Словене же по отшествии его разыдошася по многим местом. Инии же от них седоша около езера великаго Ильмеря[315], и создаша град, и нареко//ша

л. 3 имя ему «Новоград», и прозвашася «новогородци», и пребыша некрещени до великаго князя Владимера[316].

Волок же Ламьский — предел того града, и под областию архиепископа того града и до сего времени[317]. Тако древний бяше град той. Бе же первие на брезе Ламы-рекы, и той ныне нарицаетьца «Старый Волок»[318], великаго же князя Владимера, крестившаго всю Рускую землю. По преставлении же его великий Ярослав[319], сын его, проязду творя по градом рускым, прииде на Старый Волок. И прошед его два поприща[320], и ста шатры на горе близ речкы, иже впаде в Ламу, в полудни починути. И явися ему во сне муж стар и показа ему перстом на другой стране рекы, глаголя: «На сем месте заложи //

л. 3 об. град Волок и люди приведи оттулева». И близ показа гору и глагола ему: «А на сей горе постави церковь Воздвижение Честнаго Креста Христова и сотвори монастырь[321]. А на нейже почиваеши горе сотвори церковь во имя святаго пророка Ильи и такоже сотвори монастырь»[322]. Вопроси же его: «Господи, ты кто еси?» Он же рече: «Аз есмь боговидець пророк Илья»[323], и, си рек, невидим бысть. Возбнув же благочестивый великий князь Ярослав и сотвори вся, елика повеле ему святый пророк Илья. И град сотвори Волок, идеже и доныне стоить, и оба монастыря на показаных ему горах, и внутрь града соборную церковь Воскресение Господа нашего Исуса Христа[324]. И дасть свещеником и обоим монастырем во окормление тамгу со всего: и поме//рное,